«Barselona» klubi «Manchester Siti» himoyachisi Erik Garsiya bilan kelishuvga erishdi. Futbolchining Angliyadagi faoliyati muvaffaqiyatli kechmadi. Shu bois, u o'zi tarbiyalangan jamoa safiga qaytishga qaror qildi. Jurnalist Fabritsio Romano xabar tarqatishicha, Garsiya yozda erkin aylangach, "Kamp Nou"ga ko'chib o'tadi. Ammo "ko'k-anorranglilar" yanvar oyidayoq uni qo'lga kiritishga urinib ko'rishadi va "Siti"ga 10 million evro taklif qilishdi. "Shaharliklar" esa ushbu taklifga rad javobini berishdi. "Barsa" esa bundan ortiq pul taklif qilmoqchi emas.