Kataloniyaning «Barselona» klubi ayni paytda La Liganing 17-tur doirasida «Ueska» jamoasi mehmoni bo'lmoqda. Lionel Messi bugun "Barselona"ning asosiy tarkibida maydonga tushdi.

Ushbu bahs argentinalik yulduz uchun "Barselona"dagi 750 va La Ligadagi 500-o'yini hisoblanadi. "Barselona" tarixida faqatgina Xavi Messidan ko'p o'yin o'tkazgan.

Messi katta ehtimol bilan Xavini ham quvib o'tadi. Chunki, ispaniyalik sobiq futbolchi hisobida La Ligada 505, umumiy esa 767 ta o'yin bor.

Messi Ispaniya chempionatida 500 ta o'yin o'tkazgan ilk xorijlik futbolchi sifatida tarixdan joy oldi.