"Barselona" sardori Lionel Messi Ispaniya kubogining yarim final bosqichi doirasida "Sevilya"ga qarshi o'yinda (0:2) bahsli vaziyat qahramoniga aylandi.Ikkinchi bo'lim o'rtalarida argentinalik futbolchi va raqib o'yinchisi Xoan Xordan o'rtasida to'qnashuv yuz berdi. "Sevilya" futbolchisi Messining jarima zarbasini tezda amalga oshirishiga xalal berdi. Lionel esa raqibining qo'lidan to'pni olib qo'yishga harakat qilib, tirsagi bilan uning yuziga urib yubordi. Buning uchun Messi hatto ogohlantirish ham olmagan bo'lsa, andalusiyaliklar futbolchisi ogohlantirish oldi.