«Barselona» «Liverpul»ga braziliyalik yarimhimoyachi Koutinoning transferi uchun 20 million evro bonus to'lamasligi mumkin.

Koutino klubda 100 o'tkazsa, «Barselona» ingliz klubiga 20 million evro to'lashi kerak. Ayni paytda braziliyalik 90 uchrashuv o'tkazgan.

Yozda «Barselona» yarimhimoyachini maoshini pasaytirish va transferlar uchun mablag' ishlab olish maqsadida uni sotib yuborishga harakat qiladi.

Koutino hozirda jarohatini tiklamoqda va bu mavsumda maydonga tushmasligi ma'lum bo'lgan.

Ma'lumot o'rnida, joriy mavsum 28 yoshli futbolchi «Barselona» tarkibida, barcha turnirlarda 14 o'yin o'tkazdi va uchta gol urib, ikkita golli uzatma amalga oshirdi. Uning klub bilan shartnomasi 2023 yilning yozigacha amal qiladi.