«Barselona» o'yinchilari PSJ forvardi Neymarning Kataloniya klubiga qaytishini xohlashmoqda, deya ma'lumot berdi Mundo Deportivo.

Ushbu tashabbus braziliyalik bilan «ko'k-anorranglilar» safida avval o'ynagan futbolchilardan chiqqan va jamoaning aksariyat qismi mazkur taklifni qo'llab-quvvatlagan.

«Barselona» Neymarning qaytishi jamoaga EChLda katta yordam berishiga ishonmoqda.

Avvalroq, 29 yoshli hujumchi PSJ bilan yangi shartnoma tuzish bo'yicha muzokarani to'xtatgani va uning orzusi «Barsa»ga qaytishi ekanligi haqida xabarlar tarqalgandi.

Neymar kataloniyaliklar safida 2013 yildan 2017 yilga qadar faoliyat olib borgan.