«Manchester Siti» hujumchisi Serxio Aguero hali kelajakdagi faoliyati to'g'risida qaror qabul qilmagan va u Italiya A Ceriyasiga yo'l olishi mumkin.

32 yoshli hujumchining xizmatlariga «Barselona» va «Yuventus»dan tashqari «Inter» ham qiziqish bildirmoqda. «Neradzurri» rahbarlari argentinalikning Chempionlar Ligasidagi tajribasini qadrlashadi va futbolchini yozgi transferlar oynasida qo'lga kiritishga harakat qilishadi.

Biroq, Aguero Italiya chempionati etakchisi uchun yagona variant emas. Agar kelishuv amalga oshmasa, «Inter» «Chelsi»dan Olive Jiru yoki «Roma»dan Edin Jekoni sotib olishga harakat qiladi.

Serxio Aguero ushbu mavsumda «shaharliklar» bilan barcha musobaqalarda 15 uchrashuvda maydonga tushib, 3 gol urishga muvaffaq bo'lgan.