«Barselona» himoyachi Sergi Roberto bilan shartnomani uzaytirish ustida ishlamoqda.

Jurnalist Matteo Morettoning tvitterda yozishicha, kataloniyaliklar futbolchiga 2023 yilgacha shartnoma taklif qilmoqda, ammo Roberto 2024 yilgacha kelishuvni istaydi. Muzokaralar anchadan beri davom etib kelmoqda. Biroq, oxir-oqibat tomonlar baribir kelisha olishlari kutilmoqda.

Qayd etilishicha, o'tgan yili «Manchester Yunayted» Robertoga qiziqish bildirgan.

29 yoshli ispaniyalik futbolchi ushbu mavsumda «Barselona» bilan barcha turnirlarda 16 o'yin o'tkazib, 1 gol urdi va 2 golga uzatma amalga oshirdi.

Robertoning kataloniyaliklar bilan amaldagi shartnomasi 2022 yil 30 iyungacha amal qiladi.