«Barcelona» sardori Lionel Messi klub bilan yangi shartnoma imzolashi mumkin, ammo muzokaralar yaqin orada bo'lmaydi.

Kataloniya klubi rahbariyati hali ham argentinalikka yangi shartnoma taklif qilish uchun maqbul fursatni kutmoqda. Chunki «Barsa» prezidenti Xuan Laporta klub moliyaviy jihatdan nimalarga qodirligini aniq bilishi kerak.

Tahminlarga ko'ra, Amerika kubogidan so'ng, 33 yoshli hujumchi uchun yangi shartnoma imzolanishi mumkin. Messi 11 iyun - 10 iyul kunlari bo'lib o'tadigan turnirga «Barcelona» bilan yangi kelishuvsiz borishi ehtimoli bor, deb yozadi El Largueroning so'zlariga asoslanib Diario Sport.

Endi futbolchi bor e'tiborini jamoaning o'yiniga qaratgan, u mavsumning qolgan qismini muvaffaqiyatli o'tkazishni xohlamoqda.

Messining klub bilan amaldagi shartnomasi iyun oyida o'z nihoyasiga etadi.

Ma'lumot uchun, hujumchi ushbu mavsum La Liganing 34 o'yinida maydonga tushib, o'z hisobiga 29 gol va 9 assist yozdirib qo'ygan.