Yakshanba kuni hujumchi Serxio Aguero APL doirasidagi «Manchester Siti» tarkibidagi so'nggi o'yinini o'tkazdi.

Yozda argentinalik futbolchi erkin agent sifatida klubni tark etadi. Aguero «Barcelona» futbolchisiga aylanishi kutilmoqda va buni Xosep Gvardiola ham tasdiqladi.

«Balki men bu sirni oshkor qilarman. Balki Aguero yuragimdagi klubi - «Barcelona» bilan shartnoma imzolashga yaqin turgandir.

U barcha vaqtlarning eng yaxshi futbolchisi - Lionel Messi bilan birga o'ynaydi. Men uni yaxshi ko'rishiga aminman. Va, ehtimol, Aguero bilan «Barcelona» tobora kuchayib boraveradi», - dedi ispaniyalik mutaxassis.