«Atletiko Madrid»ning urugvaylik hujumchisi Luis Suares uning do'sti - argentinalik hujumchi Lionel Messi Kataloniya klubida qolishi kerakligi haqida fikr bildirdi.

«Messining do'sti sifatida, agar u «Barselona»da qolsa xursand bo'lar edim. Men unga aynan shunday maslahat bergan bo'lardim. Ammo, u hali menga o'z kelajagi haqida hech narsa aytmadi», - deydi urugvaylik futbolchi.

Eslatib o'tamiz, 33 yoshli Messining «Barselona» bilan shartnomasi iyun oyining oxirida tugaydi va u erkin agentga aylanadi. Hujumchiga PSJ va «Manchester Siti» qiziqish bildirmoqda.

Ma'lumot uchun, yakunlangan mavsumda Messi «Barctlona» tarkibida barcha turnirlarda 47 uchrashuv o'tkazib, 38 gol urdi va 14 assist amalga oshirdi.