«Manchester Siti» futbol klubi direktorlar kengashi vakili Omar Berrada ushbu yozda klub Lionel Messini sotib olishga harakat qilishi mumkinmi degan savolga javob berdi.

«Biz bor e'tiborimizni jamoamizga qaratganmiz va bu yilgi yutuqlaridan mamnunmiz. Biz jamoani yaxshilashi mumkin bo'lgan sohalarni qidirmoqdamiz.

Ehtimol, biz hujumchi pozitsiyasini kuchaytirishni o'ylaymiz, chunki Serxio Aguero kabi afsona bizni tark etmoqda. Biz mavsum tugagandan so'ng o'tirib, transfer bozorida nima xohlayotganimizni muhokama qilamiz», - deydi Berrada.