Niderlandiya terma jamoasi hujumchisi Memfis Depay faoliyatini «Barselona»da davom ettirishga yaqin turibdi.Jurnalist Nikolo Skira tarqatgan xabarga ko'ra, 27 yoshli futbolchi "ko'k-anorranglilar" bilan 3 yilga mo'ljallangan shartnomaga imzo chekadi va yiliga 5 million evro maosh ola boshlaydi. Bundan tashqari, shartnomada turli bonuslar ham nazarda tutiladi. Depay bilan shartnoma imzolangani haqidagi xabar kelgusi haftada e'lon qilinishi kutilmoqda. Niderlandiyalik futbolchi "Barsa"ga erkin agent sifatida o'tadi. Uning «Lion» bilan shartnomasi yakunlanishiga bir oydan kamroq vaqt qoldi. Depay Frantsiya chempionatining yakunlangan mavsumida 37ta o'yinda maydonga tushib, 20ta gol va 12ta assist muallifiga aylandi.