"Barselona" klubi yarim himoyachisi Miralem Pyanich Federalna nashri bilan Kataloniya klubidagi kelajagi haqida gaplashdi.

Barsadan ketasizmi?

"Hozir bu haqda gapirish qiyin. Men oilam bilan ta'tildaman va men faqat shu haqida o'ylayman. Yangi mavsumga tayyorgarlik iyulda boshlanadi, keyin men jamoaga qo'shilaman. Qolgani nima bo'lishini keyinroq bilib olamiz", - dedi Pyanich.

Avvalroq, "Yuventus" bosh murabbiyi Massimiliano Allegri bosniyalikni Turin klubiga qaytarish istagini bildirgan edi.

Eslatib o'tamiz, Pyanich o'tgan mavsumda "Barselona" safida 19 ta uchrashuvda maydonga tushgan.