«Barselona» va Ispaniya terma jamoasi yarim himoyachisi Serxio Buskets Evro-2020 yarim final uchrashuvida Italiyadan uchralgan mag'lubiyat  haqida fikr bildirdi.

"Hamma Italiyani uchrashuvning katta favoriti deb atadi, ammo biz buning aksini maydonda ularni ortda qoldirib ko'rsatdik.

Biz ko'plab yosh futbolchilar bilan o'ynadik va bu butun tajriba ularga katta ishonch bag'ishlaydi. Bu jamoa yana qaytib keladi.

O'yinda biz xohlagan narsalarga erishdik: to'pga egalik qilish, yo'qotish paytida uni imkon qadar tezroq olib qo'yish. Ishonamanki, umuman olganda biz ushbu o'yinda ustunlik qilgan jamoa edik. Ammo bu futbol va biz qila oladigan ish - Italiyani tabriklash", dedi Buskets.