«Barselona» «Manchester Yunayted» futbolchisi Donni van de Bekni sotib olmoqchi. 24 yoshli yarimhimoyachi «Barselona»ga o'tsa, klubdagi uchinchi niderland futbolchi bo'ladi. Kataloniya klubi uning yana bir hamyurti Memfis Depayni yangi futbolchi sifatida tanishtirgandi. Shuningdek, Frenki de Yong bor, niderlandiyalik Ronald Kuman esa «ko'kanorranglilar»ga ustozlik qilmoqda.Ispaniya klubi Van de Bek transferiga pul sarflashi kerak. «Manchester Yunayted» Donnini bir yil ilgari «Ayaks» dan 39 million evroga sotib olgan edi. Futbolchining «qizil iblislar» bilan amaldagi shartnomasi 2025 yilgacha amal qiladi. Van de Bek o'tgan mavsumda APLning 19 uchrashuvida maydonga tushgan.