«Manchester Yunayted» yarimhimoyachisi Pol Pogba «PSJ»ga o'tishga rozi bo'ldi deya xabar tarqatmoqda frantsuz nashrlari. 

Manbaning xabariga ko'ra, Pogba allaqachon parijliklar bilan shaxsiy shartnoma bandlarini kelishib olgan. Shuningdek, frantsuzlar Pogba uchun 50 million evro to'lashga tayyor ekanliklarini ma'lum qilgan.

Ma'lumot uchun, Polning «Manchester Yunayted» bilan shartnomasi 2022 yil o'rtalariga qadar mo'ljallangan. Futbolchining o'zi «qizil iblislar» bilan o'zaro hamkorlikni uzaytirish bo'yicha muzokaralar olib bormayotganini bir necha bor ta'kidladi.