La liga prezidenti Xaver Tebas Ispaniyaning "Marca" nashriga bergan intervyusida "Barselona" va Lionel Messi o'rtasidagi shartnoma imzolanish jarayoni haqida o'z fikrini bildirib o'tdi."Men "Barselona" bilan gaplashib turibman va Messi bilan muammolar haqida so'rab turibman. Men ulardan Leo qoladimi yoki ketadimi deb so'radim. Ular har qanday holatda ham Messining maoshi kamaytirilishini aytishyapti. Mendagi mavjud yagona ma'lumot shunday iborat. Albatta, biz faqatgina Messi uchun qoidalarni o'zgartirmaymiz", — dedi Tebas.Eslatib o'tamiz, Lionel Messi 1 iyul sanasidan erkin agent hisoblanadi. Kataloniyaliklar ayni paytda maoshlar bilan bog'liq xarajatlar oshib ketgani uchun futbolchi bilan yangi shartnoma imzolay olishmayapti.