"Barselona" yarim himoyachisi Serxio Buskets sobiq jamoadoshi Lionel Messining uyiga tashrif buyurdi, deb xabar beradi Marca. Manbaga ko'ra, Buskets bir guruh futbolchilar bilan birga jamoani tark etgan argentinalik bilan xayrlashish uchun Messining uyiga kelgan.

Messining uyidagi Busketsni ispan jurnalistlari suratga olishdi. Ko'p o'tmay, Serxio o'z tvitterida Messiga murojaat qilib, ta'sirli xabarni joylashtirdi.

"Men klub uchun qilgan ishing uchun minnatdorlik bildiraman. Sen klubga bolaligingda kelgansan va hozir tarixdagi eng yaxshi o'yinchisan. Sen klubga munosib cho'qqilarni zabt etishga yordam berding. O'z tarixing va jamoangni yaratding. Men sen bilan 13 mavsum birga o'ynaganimdan mamnunman", deb yozgan Buskets.