"Chelsi" xo'jayini Roman Abramovich "Barselona"ning sobiq hujumchisi Lionel Messi bilan uchrashdi. Bu haqida Diario AS nashri xabar bermoqda.

Manba bergan xabarga ko'ra, rossiyalik tadbirkor argentinalik futbolchini London klubida ko'rishni istaydi. Avvalroq, "Chelsi" "Inter" hujumchisi Romelu Lukakuni sotib olishi mumkinligi haqida xabar berilgandi. Messi bilan muzokaralar bu kelishuvga qanday ta'sir qilishi hozircha noma'lum.

"Manchester Siti" bosh murabbiyi Xosep Gvardiola avvalroq klub Messiga mos kelmasligini aytgandi. OAV ma'lumotlariga ko'ra, futbolchiga "PSJ" qiziqmoqda.

Avvalroq, "Barselona" argentinalik bilan yozda tugaydigan shartnoma uzaytirilmasligini ma'lum qilgandi. 34 yoshli futbolchi 2000 yildan buyon "Barselona" sharafini himoya qiladi. Jamoa tarkibida u 10 marta Ispaniya chempionligi, 7 marta Kubok va 8 marta Ispaniya superkubogini qo'lga kiritgan va 4 marta Chempionlar ligasida g'olib bo'lgan.