"Barselona" yarim himoyachisi Ilaysh Moriba klub bilan shartnomasini uzaytirishdan bosh tortdi. Yosh futbolchini taklif qilingan shartlar qoniqtirmaydi. "Barselona" Moribaga bir mavsum uchun 2 million evro to'lashga tayyor, futbolchi esa ko'proq maosh olmoqchi. Shu munosabat bilan, kataloniyaliklar ustozi Ronald Kuman o'z fikrini bildirdi.

"U 18 yoshda, asosiy tarkibda o'ynash imkoniyati bor, lekin u o'ynamaydi. Men unga puldan ham muhimroq narsalar borligini tushuntirishga harakat qildim, lekin u meni eshitmaydi. Moribadan juda hafsalam pir bo'ldi", - deya fikr bildiradi mutaxassis.