“Barselona” klubi prezidenti Joan Laporta jamoa Superliga loyihasidan chiqish qarori haqida ma'lum qildi.“Sabablar oddiy. Biz UEFA va Superliga o'rtasidagi munosabatlarni yaxshilash ustida ishladik. Chempionlar ligasi formati o'zgarganidan keyin musobaqaning umumiy darajasi oshganini va bu daromadlarni 20 foizga ko'paytirishini ko'rdik. Shu bois, avval Superliga loyihasini qo'llab-quvvatlagan bo'lsak-da, UEFAdagi ijobiy o'zgarishlarni ko'rgan holda, hamkorlik va yarashuvga ustuvor ahamiyat berish kerak, deb hisobladik.Shuningdek, Superliga doirasida taklif etilgan ko'plab g'oya va tamoyillar UEFA tomonidan tushunib etilib, qabul qilinganini ham qayd etamiz”, — dedi Laporta “Barselona” klubining qariyb 12 soat davom etgan yig'ilishida.