21 avgust, shanba kuni Ispaniya chempionatining 2-turi doirasida bo'lib o'tgan «Atletik» — «Barselona» bahsida durang (1:1) qayd etildi.Kataloniyaliklar safida yarim himoyachi Yusuf Demir zaxiradan maydonga tushdi. Avstriyalik futbolchi uchun mazkur bahs «Barselona» safidagi ilk uchrashuv bo'ldi. Demir kecha 18 yoshu 80 kunlik edi. Shu tariqa, Yusuf Ispaniya chempionati doirasida Lionel Messi davridan keyin maydonga tushgan eng yosh xorijlik futbolchiga aylandi. Argentinalik futbolchi 2004 yilning oktyabr oyida "Barsa" safida debyut qilganida 17 yoshu 114 kunlik edi.