Rahim Sterling La Ligaga yo'l olishi mumkin. Oldinroq ham Kataloniya klubi ingliz futbolchisiga qiziqish bildirayotgani haqida xabarlar tarqalgandi.

«Manchester Siti» hujumchisi Rahim Sterling faoliyatini Ispaniya chempionatida davom ettirishi mumkin, deb yozadi Goal. Manbaga ko'ra, «Barselona» ingliz futbolchisini sotib olmoqchi. Ispan klubi qishki transfer oynasida futbolchi uchun kurash olib boradi.

O'z navbatida Sterling ham hozirgi jamoasi bilan shartnomani uzaytirishni xohlamayapti.