"Barselona"ning 8 nafar futbolchisi Chempionlar Ligasi 6-turida "Viktoriya" Plzenga qarshi o'yinni o'tkazib yuboradi. Bu haqda Kataloniya klubi rasmiy sayti xabar berdi.

Robert Levandovski, Serxio Buskets, Andres Kristensen, Serji Roberto, Jyul Kunde, Erik Garsiya, Ronald Arauxo va Memfis Depay bo'lajak uchrashuv uchun qaydnomaga kiritilmadi. Levandovskiga dam berildi, Busketsda sariq kartochkalar ko'payib ketgan. Boshqa barcha o'yinchilar esa shikastlangan.

"Viktoriya" – "Barselona" uchrashuvi bugun Toshkent vaqti bilan 01:00 da start oladi.