"Barselona" yarim himoyachisi Serxi Roberto 2023 yilning yozida shartnomasi yakunlanganidan keyin jamoani tark etishi mumkin. Ispaniya klubi hozircha futbolchiga yangi shartnoma taklif qilmoqchi emas. Bu haqda Mundo Deportivo xabar bermoqda.

30 yoshli Roberto "Barselona"ga 2006 yilda kelib qo'shilgan edi. Yarim himoyachi asosiy jamoa safida 328 uchrashuvda 14 ta gol urdi va 39 ta golli uzatmani amalga oshirdi. Serxi "Barselona" bilan birgalikda 23 ta sovrinni qo'lga kiritdi.

2016 yilda Roberto Ispaniya terma jamoasidagi debyutini o'tkazdi va u 11 uchrashuvda bir marta gol urdi.