Polsha terma jamoasi va “Barselona” hujumchisi Robert Levandovski Qatardagi jahon chempionatidan keyingi rejalari haqida o'z fikrlari bilan o'rtoqlashdi.

“Bo'lajak jahon chempionati futbolchilik faoliyatimdagi so'nggisi bo'ladimi yoki yo'qmi, bilmayman, lekin men bunga oxirgisidek tayyorlanyapman. Jismoniy jihatdan men juda yaxshiman, lekin futbolning kelajagiga nafaqat sport omillari ta'sir qiladi. Turnirga tayyorgarligimiz qanday kechayotgani menga yoqadi”, - deya Polsha terma jamoasi etakchisining so'zlarini keltiradi TMW.

22 noyabr kuni polshaliklar jahon chempionati guruh bosqichining 1-turida Meksikaga qarshi bahs olib boradi.