"Barselona"ning sobiq futbolchisi, hozirda Italiyaning "Latsio" klubida o'ynayotgan Pedro Rodriges Qatarda bo'lib o'tadigan jahon chempionatida kimni qo'llab-quvvatlashini aytdi.

“Men Ispaniya terma jamoasini qo'llab-quvvatlayman. Men uchun jamoamiz musobaqadan chiqib ketsa, turnir o'zining asosiy mohiyatini yo'qotadi. Agar Ispaniya kubokni qo'lga kiritmasa, men Lionel Messining jahon chempionatida g'alaba qozonishini ma'qul ko'raman", - deya ispan OAVlari iqtibos keltirmoqda 35 yoshli futbolchining so'zlaridan.

Pedro Rodriges "Barselona" klubi bitiruvchisi. 2008 yildan 2015 yilgacha u Lionel Messi bilan birga Kataloniya grandining asosiy jamoasi sharafini himoya qilgan, shundan so'ng 27 million evro evaziga Londonning "Chelsi"siga o'tgan.