"Barselona" va Ispaniya terma jamoasi chap qanot himoyachisi Alexandro Balde tez orada klub bilan yangi shartnoma borasida muzokaralar olib boradi.

"Barselona" asosiy yulduzlaridan biri bilan uzoq muddatli shartnoma imzolash niyati allaqachon ma'lum va endi nufuzli insayder Fabritsio Romano tomonlar kelgusi hafta shartnoma shartlarini muhokama qilish uchun uchrashishlarini tasdiqladi.

Avvalroq OAVda yosh himoyachiga besh yillik shartnoma taklif qilinishi haqida xabar berilgandi.

Alexandro Balde joriy mavsumda “Barselona” safida 16 ta o'yinda maydonga tushib, 3 marta jamoadoshlariga assistentlik qilgan.