Polsha terma jamoasi hujumchisi Robert Levandovski jahon chempionatining 1-turidan bo'lib o'tgan bahsda penaltidan unumli foydalana olmagani uchun muxlislardan uzr so'radi.«Biz aqlli o'yin namoyish etdik va g'alaba qozonishimiz kerak edi. Shuning uchun ham durangni qabul qilish men uchun og'ir. Uzr so'rayman. Qo'llab-quvvatlaganlarga rahmat aytaman. Biz guruhdan chiqish uchun kurashda davom etamiz», – deya yozdi polshalik futbolchi ijtimoiy tarmoqlar orqali.