"Barselona" bosh murabbiyi Xavi Serxio Buskets kelasi mavsum ham jamoada qolishiga umid qilmoqda. Diario Sport xabariga ko'ra, mutaxassis Kataloniya klubi rahbariyatidan 34 yoshli yarim himoyachi bilan shartnomani uzaytirishni so'ramoqda.

Xavining ishonchi komilki, Buskets hali ham jamoaga foyda keltirishi mumkin. Avvalroq futbolchi qishda ketishni ham o'ylab ko'rgan, biroq kataloniyaliklar bosh murabbiyi uni qolishga ko'ndirgan.

Joriy mavsumda “Barselona” sardori 16 ta uchrashuvda ishtirok etdi va bitta samarali uzatma qayd etdi.

Busketsning klub bilan shartnomasi 2023 yilning yozida yakuniga etadi.