"Barselona"ning sobiq bosh murabbiyi Ronald Kuman hujumchi Lionel Messining klubni tark etganini esladi. Futbolchi Kataloniya jamoasini 2021 yilning yozida erkin agent sifatida tark etgandi.

"Men oxirigacha Lionel qoladi deb o'yladim. Nega uning o'rniga faqat Lyuk De Yong imzolandi? O'shanda "Barsa"da pul yo'q edi. Biz uni oxirgi daqiqada sotib oldik. Avvaliga Messi bilan bog'liq vaziyat yuzaga keldi, bu jamoaga dahshatli ta'sir ko'rsatdi, keyin esa Grizmann bilan bog'liq voqea. O'sha paytdagi yagona variant de Yong edi", - deya Kumanning so'zlarini keltiradi Marca.