"Barselona" direktori Jordi Kroyff klub yarim himoyachi Frenki de Yongni sotish niyatida emasligini aytdi.

“Frenki de Yong sotilmaydi. U bizning asosiy o'yinchimiz, shuning uchun [u ketishi mumkin bo'lgan] vaqt tugadi. U bu erda va biz uchun muhim.

Yoz oxirida, FFP haqidagi munozaralardan so'ng, u biz bilan qoldi. Frenkini "Barsa"da juda yaxshi ko'rishadi", - deya Kroyfdan iqtibos keltiradi Sport.es.

Yozda yarim himoyachi "Manchester Yunayted"ga ketishga yaqin edi.

25 yoshli De Yong joriy mavsumda "Barsa" safida 22 ta o'yinda maydonga tushib, 2 ta gol urdi va 2 ta golli uzatmani amalga oshirdi. Uning klub bilan shartnomasi 2026 yilning yoziga qadar mo'ljallangan.