Kataloniyaning "Barselona" rahbariyati yarim himoyachi Serxio Busketsning jamoada hech bo'lmaganda joriy mavsum oxirigacha, shartnomasi yakunlanmaguncha qolishini kutmoqda. Bu haqda jurnalist Fabritsio Romano ijtimoiy tarmoqlarda ma'lum qildi.

Manbaga ko'ra, so'nggi mish-mishlardan farqli o'laroq, Buskets yanvar oyidagi transfer oynasida "Barselona"ni tark etishi dargumon. Klub yarim himoyachini qishda qo'yib yuborishni rejalashtirmayapti.

Yaqin orada Buskets kelajagi borasida bir qarorga kelishi kerak. "Barselona" futbolchini 2023/24 yilgi mavsum oxirigacha saqlab qolmoqchi, biroq futbolchining "Inter Mayami"da o'ynash varianti ham bor.