"Bavariya" "Barselona"ning niderlandiyalik yarim himoyachisi Frenki de Yongga qiziqish bildirmoqda, deb xabar beradi Sport.es.

Manbaning xabariga ko'ra, nemis klubi qishki yoki yozgi transfer oynasida futbolchini sotib olish variantini ko'rib chiqmoqda. O'tgan yozda kataloniyaliklar futbolchini "Manchester Yunayted"ga sotishga tayyor edi, biroq de Yong "qizil iblislar"ga o'tishdan bosh tortdi.

25 yoshli De Yong joriy mavsumda “Barselona” va Niderlandiya terma jamoasi safida barcha musobaqalarda 27 ta o'yinda maydonga tushib, 3 ta gol urdi va 3 ta golli uzatmani amalga oshirdi. Uning klub bilan shartnomasi 2026 yilning yoziga qadar mo'ljallangan.