Mundo Deportivo xabariga ko'ra, "An-Nasr" "Barselona" yarim himoyachisi Serxio Busketsga qiziqish bildirmoqda.

Manbaning xabariga ko'ra, Saudiya Arabistoni klubi 34 yoshli futbolchiga katta pul taklifi bilan chiqqan. "An-Nasr" qishda Busketsni jamoaga o'tishini istamoqda.

Qayd etilishicha, yarim himoyachi hali o'z kelajagi haqida bir qarorga kelmagan va bor e'tiborini “Barselona”ning keyingi o'yinlariga qaratish niyatida.

Buskets joriy mavsumda “Barselona” safida barcha turnirlarda 16 ta o'yinda maydonga tushdi va 1 ta golli uzatmani amalga oshirdi.