"Tottenxem" qishki transfer bozorida Antonio Konteni qo'llab-quvvatlamoqchi. London klubi radarida "Barselona" hujumchisi Ferran Torres turibdi. "Shporlar" hozirda 22 yoshli futbolchi uchun taklif tayyorlamoqda.

Manbaga ko'ra, "Tottenxem" Ferran Torresni 35 million evro evaziga sotib olmoqchi. Klublar muzokaralar jarayonida murosa topa oladimi yoki yo'qmi, buni aytish qiyin.

Ferran Torres bir yil oldin "Barselona"ga o'tgan edi. Bu vaqt ichida hujumchi klub safida 45 ta o'yin o'tkazib, 12 ta gol urdi va 7 ta golli uzatmani amalga oshirdi.