"Barselona" bosh murabbiyi Xavi Ernandes "Atletiko"ga qarshi o'yinda kim hujumchi pozitsiyasida o'ynashini aniqladi.

Sport nashri xabariga ko'ra, hujum qanotida o'ynashga ko'proq odatlangan Ansu Fati Ispaniya chempionatida "matraschilar" bilan o'yinda "to'qqizlik" pozitsiyasida maydonga tushadi.

"Barselona" murabbiylar shtabi chempionatning so'nggi turida qizil kartochka olgan asosiy hujumchi Robert Levandovskining diskvalifikatsiyasi tufayli Fatini markazda o'ynatishga majbur.

"Barselona" hamon La Liga peshqadami bo'lib turibdi, urilgan va o'tkazib yuborilgan gollar soni bo'yicha "Real"dan oldinda.