"Barselona" yarim himoyachisi Frenki de Yong jamoasining La Ligadagi uzoq kutilgan g'alabasi haqida fikr bildirdi.

Kataloniya grandi "Valensiya"ni 7:1 hisobida mag'lub etdi. Xans-Diter Flik jamoasi uchun bu 3 dekabrdan beri Ispaniya chempionatidagi ilk g'alabadir. G'alabasiz seriya to'rtta o'yin davom etdi.

"Albatta, La Ligada g'alaba qozonish juda muhim edi. "Valensiya" juda yaxshi jamoa.

Biz hali ham chempionlik poygasidamiz, hali ham kurashayotganimizni ko'rsatish muhim edi. O'ylaymanki, chempionatdagi pasayishimizning birdan-bir ko'rsatkichi - natijalarimiz. Biz yaxshi o'ynagan bo'lsak ham ochko yo'qotaverdik", - deya de Yong so'zlarini keltiradi Barca Universal.