"Vilyarreal" bosh murabbiyi Kike Seten "PSJ" va Argentina terma jamoasi hujumchisi Lionel Messini jahon chempionati oltin medalisiz ham tarixdagi eng yaxshi futbolchi deb bilishini aytdi.

“Albatta, Messi uchun xursandman. 2022 yilgi jahon chempionatida g'olib chiqqani adolatdan. Argentina eng jipslashgan jamoa edi, ayniqsa finalda ular boshqalarga qaraganda ko'proq harakat qilishdi.

Bu g'alaba Argentina va Messi uchun juda muhim. Garchi uni tarixdagi eng zo'r deb hisoblashim uchun jahon chempionatida g'alaba qozonishi menga kerak emas edi. Men bunga aminman va buni ko'p marta aytganman. U 15 yil ketma-ket 40 ta gol urdi", - deya Setenning so'zlaridan iqtibos keltiradi Cadena SER.