"Manchester Siti" yarim himoyachisi Ilkay Gyundogan shu yozda "Barselona"ga o'tishi mumkin.

32 yoshli germaniyalik yozda, "shaharliklar" bilan shartnomasi tugagach, kataloniyaliklar safiga qo'shiladi. Gyundogan va "Barselona" allaqachon dastlabki kelishuvga erishgan.

Gyundogan 2016 yilning yozida "Manchester Siti"ga o'tgan edi. 273 ta o'yinda u "shaharliklar" safida 51 ta gol va 35 ta golli uzatmani amalga oshirgan.

"Siti" bilan u to'rtta chempionlik, to'rtta Liga kubogi, Angliya kubogi va Angliya Superkubogini qo'lga kiritdi.