Memfis Depay "Atletiko"ga o'tganidan so'ng "Barselona" bosh murabbiyi Xavi hujum chizig'ini kuchaytirish kerakligini aytdi.

"Jamoamizda yangi transferlar bo'ladimi yoki yo'qmi, bilmayman, lekin Depay ketganidan so'ng, menimcha, hujumchi bilan shartnoma imzolashimiz kerak. Ko'ramiz, bu amalga oshadimi yoki yo'qmi, bilmayman, lekin ishonchim komilki, hammasi yaxshi bo'ladi", - dedi Xavi Goal bilan suhbatda.

Niderlandiya terma jamoasi futbolchisi "matraschilar" bilan 2,5 yillik shartnoma imzoladi. Memfis Depay Ispaniyaning joriy mavsumida ikkita o'yin o'tkazib, bitta gol urdi. Ispaniya chempionati 2022/2023 mavsumida "Barselona" 41 ochko bilan peshqadamlik qilmoqda.