Hujumchi Joau Feliks «Barselona» qiziqishlari doirasida qolmoqda. Bu haqda Ispaniyaning Sport nashri o'z sahifalarida xabar berdi.

Manbaning xabariga ko'ra, klublar Memfis Depayning qishki transferi bo'yicha kelishib olishganda, «Barselona» «Atletiko» bilan Joau Feliksning kelajagini muhokama qilgan.

Eslatib o'tamiz, Joau Feliks yanvar oyida «Atletiko»dan «Chelsi»ga o'tgan edi. Londonliklar 23 yoshli portugaliyalikni 2022/2023 yilgi mavsumning qolgan qismi uchun ijaraga olishdi. Angliyaga o'tishdan oldin Feliks «matraschilar» bilan shartnomani 2027 yilning o'rtalariga qadar uzaytirgandi.