"Barselona" hujumchisi Robert Levandovski "Valensiya"ga qarshi o'yinda xet-trik qayd etdi. Polshalikning uchta goli Xavi Ernandes shogirdlariga “ko'rshapalaklar” ustidan irodali g'alaba qozonishga yordam berdi (4:2). Opta'ning xabar berishicha, Levandovski Samuel Eto'Odan keyin La Liganing bitta o'yinida boshi bilan ikki marta gol urgan "Barselona"ning birinchi futbolchisi bo'ldi. Mashhur kamerunlik sobiq hujumchi buni 2005 yilda "Malorka" bilan uchrashuvda amalga oshirgandi. Shuningdek, Levandovski 21 asrda Ispaniya chempionati uchrashuvida boshi bilan ikkita gol urgan eng keksa futbolchiga aylangani qayd etilgan. Ayni damda kataloniyaliklar hujumi etakchisi 35 yoshu 252 kunlik.