"Manchester Yunayted" vingeri Entoni Elanga mavsum oxirigacha klubda qoladi.

20 yoshli futbolchi Erik ten Xag jamoasida unchalik talabga ega emas, shu bois klub shvetsiyalik futbolchisini yanvar oyida ijaraga berishni rejalashtirgandi. Ko'rinishidan, munosib takliflar kelib tushmagan.

Sky Sports nashri xabariga ko'ra, Elanga qishki transfer oynasida "Manchester Yunayted"ni tark etmaydi. "Everton" uning uchun asosiy da'vogar hisoblangan va mish-mishlar yosh futbolchini Dortmundning "Borussiya", Niderlandiyaning PSV va Kataloniyaning "Barselona" klubiga o'tishi mumkinligi bilan bog'lagan.

Entoni Elanga joriy mavsumda Premer-ligada 13 ta o'yinda maydonga tushib, 1 ta golli uzatmani amalga oshirdi.