"Barselona" yarim himoyachisi Frenki de Yong mavsum oxirida jamoani tark etmaydi.

Niderlandiyalik futbolchi o'tgan yozda ingliz grandlaridan biriga o'tishi mumkin edi, ammo Kataloniyada qolishga qaror qildi. Jamoaning iqtisodiy qiyinchiliklari ularni zudlik bilan xarajatlarni kamaytirishga majbur qilganiga qaramay, de Yong hech qanday holatda yozgi transfer oynasida ketmaydi, deb xabar beradi Cadena SER. 25 yoshli yarim himoyachi murabbiylar shtabi va klub rahbariyatini o'zining ajralmasligiga ishontirdi.

Frenki de Yongning amaldagi shartnomasi 2026 yilgacha mo'ljallangan. Transfermarkt portali uning qiymatini 50 million evroga baholamoqda.