Jurnalist Ben Jeykobsning so'zlariga ko'ra, "PSJ" va Lionel Messi o'rtasida argentinalik Parijda qolish muddatini uzaytirish bo'yicha og'zaki kelishuv yo'q, bu 35 yoshli futbolchining “Barselona”ga qaytishi mumkinligiga ishora qilmoqda.

Avvalgi xabarlarda Messi Qatardagi Jahon chempionatida g'alaba qozonganidan so'ng Frantsiyada qolib, “PSJ” bilan shartnomasini uzaytirishi aytilgandi, biroq Ben Jeykobs klub hujumchi bilan og'zaki kelishuvga ega emasligini ta'kidlagan edi.

Bu argentinalik futbolchining "Kamp Nou"ga qaytishini istagan "Barselona" muxlislari uchun xushxabar bo'lishi mumkin.

Xavi Ernandes avvalroq Messining "Barselona"ga qaytishi, agar futbolchi bunga rozi bo'lsa, hali ham imkoni borligini aytib o'tgandi:

"U nimani xohlaydi, nimani his qiladi. Albatta, "Barselona" har doim Messining uyi bo'lgan. Leo uchun eshiklar ochiq bo'ladi, ayniqsa men bu erda murabbiy bo'lsam", degan edi Xavi.