Kataloniyaning "Barselona" tarbiyalanuvchisi bo'lgan iqtidorli hujumchi Ansu Fati joriy mavsum yakunida "ko'k-anorranglilar" safini tark etishi mumkin. Bu haqda Mundo Deportivo nashri xabar bermoqda.

20 yoshli futbolchida faoliyatini Evropada davom ettirish uchun uchta variant bor. Manbaga ko'ra, Ansu xizmatlariga Myunxenning "Bavariya", shuningdek, Londonning "Tottenxem" va "Arsenal" klublari qiziqish bildirmoqda.

Fati 2020 yil sentyabr oyidan beri “Barselona”ning asosiy jamoasida o'ynamoqda. Uning Kataloniya grandi bilan amaldagi shartnomasi 2026/2027 yilgi mavsum oxirida yakuniga etadi. Futbolchining transfer narxi 50 million evroga baholanmoqda.