"Chelsi" yarim himoyachisi Ngolo Kante yozgi transfer oynasida jamoasini o'zgartirishi mumkin. Bu haqda Goal.com portali jurnalistlariga ma'lum bo'ldi.

Frantsiyalik yarim himoyachini transferiga Angliya Premer-ligasining yana bir top vakili “Liverpul” qiziqmoqda. Mersisaydliklar Kanteni yozdagi asosiy transfer maqsadi deb bilishadi. "Qizillar"ning futbolchi uchun bahsdagi raqobatchilari "Real Madrid", Kataloniyaning "Barselona" va "Atletiko Madrid" klublaridir.

Ngolo 2016 yilning yozidan beri londonliklar safida o'ynab kelmoqda. Uning shartnomasi joriy mavsum oxirida yakuniga etadi. Futbolchining transfer narxi 30 million evroga baholanmoqda.