Ansu Fati "Barselona"ni tark etishi mumkin.

Diario Sport xabariga ko'ra, vingerga bir qancha top-klublar, xususan, "Manchester Yunayted" qiziqish bildirmoqda. "Bavariya"dan ham qiziqish bildirilgan edi, ammo Bild jurnalisti Kristian Falk bu ma'lumotni rad etdi.

O'z navbatida "Barselona" Fatining holatiga izoh bermayapti. Jamoa bosh murabbiyi Xavi Fati jarohatdan so'ng o'zining eng yaxshi formasini tiklay olishiga ishonch bildirmoqda.

Qayd etilishicha, klub “astronomik” taklif tushgan taqdirdagina futbolchini sotish masalasini ko'rib chiqadi.

Joriy mavsumda Fati La Liganing 20 ta uchrashuvida 3 ta gol urdi va 3 ta golli uzatmani amalga oshirdi.