"Manchester Yunayted" hujumchisi Vaut Vegxorst o'zi dunyoning eng katta deb hisoblagan jamoalarni nomini aytdi.

Niderlandiyalik futbolchi o'zining hozirgi klubini, shuningdek, "mankunianliklar" bugun Evropa ligasida o'ynaydigan "Barselona"ni tanladi.

"Bolaligimda men ikkala jamoa bilan juda ko'p videolarni ko'rganman, ular juda katta tarixga ega. Shaxsan men uchun "Manchester Yunayted" va "Barselona" - dunyodagi eng katta ikki klub", - dedi Vegxorst "qizil iblislar" rasmiy saytiga bergan intervyusida.

Eslatib o'tamiz, Vegxorst yanvar oyida "Byornli"dan mavsum oxirigacha ijara asosida "Manchester Yunayted"ga o'tgan edi. Vaut "qizil iblislar" safida barcha musobaqalarda sakkizta o'yinda bitta gol urgan va bitta golga assistentlik qilgan.